ألــــــــمـــــحروم

صهرت الحرف كونته جعلته ساحـر و فنـان
رسمت الكلمه إللي تكونت من بعض تكوينـي




عشقت الحرف ليش إنه يصور صرخة الإنسان
و أنا صرخه بصدر الشوق و شوقك ما يكفيني



قبل ما ترسم البسمه حياتي قول أنـا ولهـان
تكلم جسد الإحساس في عينك و فـي عينـي



هلا و شلونك و كيفك ترى ما تحرك الأشجان
أنا محتاج لشواقـك تفجـر كـل مـا فينـي



برودك عاش في دمي.. قصيده ما لها عنـوان
سكوتك يبتدي عندي و صمتك صار ينهينـي



تحرك يا جبل من ثلج إصرخ قول أنا عشقان
لصوتك أو قصيدة حب أو هجـران يكوينـي



قصيدي ينتحر عندك إذا شافك بـلا وجـدان
و لا إحسـاس ينعشنـي و لا كلمـه تدفينـي



شعورك لغز حيرني و حولنـي إلـى بركـان
تكلم قول أنا ما بيـك قطـع كـل شرايينـي




شياطين القصيـده تشتكـي للجمـر للنيـران
و كل الصمت حطمهم و ماتوا كل شياطينـي



أنا خطيت بحروفي قصيده إسمهـا المحروم
يموت الحرف يحيا الحرف و أنا موتي بسكيني

يعطيك الف عافيه وسلمت يداك ..........

متميز في ابدعاتك ,.,.,.,.,.