اليوم حبيت انزل قصة بجد رووووعة

اليوم حبيت انزل قصة بجد رووووعة وكلمة رووعة قليلة عليها هي منقولة يلا أخليكم مع القصة >> عيشوا معها لحظة بلحظة لأنها تدنن

تعبت أشكي

أم حنين\تكفين حنين خلا ص لاتصيحين أنت الكبيرة لازم تصيرين قويه
حنين وهي تصيح\يمه خلاص انا تعبت ماني قادرة استحمل تعبت من كل شي تعبت من ابوي اللي مايدري وين الله حاطه فيه ومن عمامي اللي مش راضين يعترفون فينا اه اه يمه كل شي فوق راسي فواتير الماي والتليفون والكهرب انا اللي ادفعهم حتى الماجله (اغراض المطبخ)انا اللي اشتريها وبعدين فلوس الدروس الخصوصية ماتكفي الا حق أكلنا وشربنا ليش احنا من بد خلق الله مكتوب لنا الشقة والمذله ليه؟؟

أم حنين\خلاص يمه قطعتي قلبي هذا اللي الله كاتبه لنا واحنا مانقدر نعترض على مشيئة الله الحمد لله على كل حال ياحنين يا حبيبتي في ناس اقل منا لا بيت يضفهم ولا احد حاميهم غير الله سبحانه والحمد الله عايشين على الله… قومي حبيتي غسلي وجهك وصليلك ركعتين وذكري الله ألا بذكر الله تطمئن القلوب......

وقامت حنين وسوت عالي اللي قالته لها أمها وارتاحت نفسيا وحست أن حمل كبير انزاح منها.....

وهذا حال عايلة حنين اللي كانت كل يوم تعيش مأساة جديدة....


وبقولكم نبذه عن كيف بدت هذه المأساه:

يوم جاء يخطب (سعد )ابوحنين(حصه ) ام حنين

كانت حصه معارضه الفكره اولا لأنها كانت صغيره على الزواج وثانيا لأنها كانت عارفه بأخلاق وطبايع ولد عمهاالشينه هذا غير ان في وحده من بنات عمها حاطه عينها عليه بس أمها أصرت انها تتزوج لأنها دائما كانت تقول:لا غمضت عيوني من الدنيا بتصيرين وحيده لأنه كلن بيكون لاهي مع عياله وماكان عند حصه الا أخوا واحدواسمه عادل توه متزوج

وفعلا تزوجت حصه سعد وبدت المأساه وعاشت طول عمرها بمذله واهانات مالها اول ولا اخر وكانت كل يوم يصبح عليها بضرب ويمسي عليها بضرب علشان أسباب تافهه جدا وكانت ماتشوفه الا تالي الليل
حتى شغله فنشوه لأنهم دروا بأنه يشرب الخمر في الفتره الأخيره

وطبعا انتوا بتسألون كيف عايشين بدون دخل مادي؟؟؟

كانت ام حنين عايشه على الله ثم الورث اللي من امها...... وبعد كم شهر حملت حصه وفرحت كثيير لأنها حست ان الله بيعوضها بطفل يملي عليها دنيتها بدال زوجهاوبعد شهور ولدت حصه وجابت حنين اللي كانت بمنتهى الجمال والنعومه كانت تشبه أمها كثيير خصوصا في عيونها السود وبياض بشرتها وشعرها اللي يشبه سواد الليل ....وكانت تتوقع حصه ان الطفل بيقرب زوجها منها بس طلع العكس تماماحتى لحد الحين
ماتنسى يوم دخل عليها زوجهاعشان يزورهافي المتشفى لأنها ولدت وكان مره معصب والشرار يطلع من عيونه....

ام حنين تبي تلين قلبه: سعد ماقلت لي الحمد لله على السلامه؟تبي تشوف البنت؟

ابو حنين:وليه اتحمدلك بالسلامه وبعدين من حلات اللي جبتيهاعادعلشان اشوفها ؟

ام حنين :خاف ربك هذه ضناك!!!!

ابو حنين:اقول بس اسكتي لابارك الله فيك انت معا هالبنت سودتي وجهي قدام الناس

سلمت يداك علي هذي القصه الروعه شاكر لك يا مدير ....