قصيدة مؤثرة أبكتني

قصيدة مؤثرة أبكتني


خايف عليهامن الثرى غطاها ولا الحصى حافي أخاف أذها
أكرم عليها بالكفن يا مطوع بالبيت ظل فراشها وغطاها
أكرم عليها بالكفن هاذي أمي ويشهد عليها بما عطت يمناها
هذا الضحى والليل يتحرونه هاذي السماء ونجومها تنعاها
هاذي السوالف مثلنا تبكيها والأرض تنشد عن أثر لخطاها
هاذي الكبيره كبر هاذي الدنيا هاذي العظيمه جل من سواها
أبكي عليها مو نهار وليله ولا سنه تمشي وأعد قضاها
أبكي عليها كثر ما شالتني وكثر الحنين اللي أختلط بغناها
وكثر الأسامي وكثر من سموها وكثر النجوم وكثر من يرعاها
أبكي عليها من القهر يادنيا من لي أنا من لي عقب فرقاها
من فتحت عيني ولا خلتني شوفو ولدها في القبر خلاها
هل التراب بوجهها ما قصر شفتو ولدها كيف هو جازاها
لو أنها مكاني ما سوتها لكن أعز عيالها سواها
يا الدود شفها ذابلة جنبها أنا ولدها حاضر وأفداها
قطعني هاك اللي تبي من جسمي بس الكريمه لاتجي بحذاها
وأوصيك أمانه قلها تعذرني وتكفى تروح تحب لي ماطاها
أبيها تغفر لي مثل ما كانت كل خطوة مني بطيبها ترفاها
يا الله عساها بالنعيم الخالد وعساها في جنة عدن سكناها
يا فضو هذا الكون يا هو خالي ياضيق هاذي الدنيا يامقساها


يامر طعم فراقها يامره ماني مصدق أرجع ومالقاها
وأشلون أجي غرفتها ماهي فيها وش عذري لسبحتها ومصلاها
شقول أنا لدولابها لشنطتها وإذا سالني مشطها وحناها
وعباتها ومي زمزم ومصحفها والمبخره ورشوشها ودؤاها
الكل في غرفتها متفقدها حتى الجدار مفطر ويرجاها
الكل يبكيها مهو ناسيها يا الله صبرني أشلون أنساها
ياليتها ما راحت وخلتني أو وسعت لي بالقبر وياها

سلمت يداك

ررروعه بقوووووه